薄荷葉泰國菜

营业中

休息中

前排同朋友去咗元朗一间泰国菜食晚饭，估唔到𠮶条街有咁多有情调嘅嘅餐厅。而呢度系一半户外，一半室内，夜晚嚟确实几chill。餐厅挂咗好多色彩斑斓嘅装饰同吊灯，加埋泰国音乐，有一种去咗泰国酒吧嘅感觉。餐牌超多选择真系拣到人选择困难症。餐前小食嘅酸青瓜同萝卜清新又开胃。泰式猪颈肉好香口，加埋酱汁更惹味，推荐～ 呢度嘅咖喱仲可以拣鸡件定系新鲜鸡，我就拣咗新鲜鸡，因为有鸡皮同连骨嘅鸡肉质一般都会弹牙。斑兰咖喱超级大份好足料，食得出微微斑兰味，最紧要嗌个煎饼，配咖喱一流，啲煎饼佢唔系就咁平摆，而系砌到成朵花咁，即刻靓咗🤣 椰子鸡汤都有满满嘅泰式香料、菇同鸡肉，生菜包酸辣恰当，可以不停咁食，结论系两个女仔食到超级饱，呢度又系个好啱倾心事嘅地方。