影片
更多
2020-03-19
43 浏览
今日返左去元朗食饭，约咗个老友去呢间位于元朗剧院同公共图书馆附近嘅泰国菜，个feel有少少似restaurant&bar，餐厅入面有个小型酒吧位。以前住喺元朗，周不时经过呢到，见到铺头都几多人，一直都想去试下佢，今日终于有机会去试。呢间餐厅主打自家农田，种咗好多有机瓜菜，一碟餐前小食，食完好开胃。我地叫咗4个菜，第一碟马拉盏炒通菜，相当经典嘅泰国菜，几乎每次食泰国菜都会叫。呢个季节通菜未系话好靓好当造，因此无可避免要扣少少分，但系今日呢碟已经系整得相当唔错，师傅调味功夫救返成个菜式，整体好惹味好吸引。泰式炸虾饼，泰式小食之首选。虾味够，炸粉同虾肉比例掌握得几好，食落口啖啖肉，绝不儿戏。泰式炒饭，呢碟更加系今晚惊喜，原本无乜大期望，只系想食少少饭填饱个肚。食几啖已惊叹水准之高，炒饭最难系调较干湿程度，今晚呢碟拿捏得好准确。配料亦好夹，味道一流。泰式烧牛仔骨，牛味够，烧得唔会过火，水准以上。呢杯Kirin嘅Frozen Beer，我第一次试，感觉更加冰凉，一路食泰国菜一路啤啤佢，配埋虾饼/牛仔骨/通菜等送酒菜式，认真过瘾。友人无饮酒，嗌咗杯菠萝冰，佢评价清甜好饮。整体用餐感觉良好，店员招呼
呢间餐厅主打自家农田，种咗好多有机瓜菜，一碟餐前小食，食完好开胃。
我地叫咗4个菜，第一碟马拉盏炒通菜，相当经典嘅泰国菜，几乎每次食泰国菜都会叫。呢个季节通菜未系话好靓好当造，因此无可避免要扣少少分，但系今日呢碟已经系整得相当唔错，师傅调味功夫救返成个菜式，整体好惹味好吸引。
泰式炸虾饼，泰式小食之首选。虾味够，炸粉同虾肉比例掌握得几好，食落口啖啖肉，绝不儿戏。
泰式炒饭，呢碟更加系今晚惊喜，原本无乜大期望，只系想食少少饭填饱个肚。食几啖已惊叹水准之高，炒饭最难系调较干湿程度，今晚呢碟拿捏得好准确。配料亦好夹，味道一流。
泰式烧牛仔骨，牛味够，烧得唔会过火，水准以上。
呢杯Kirin嘅Frozen Beer，我第一次试，感觉更加冰凉，一路食泰国菜一路啤啤佢，配埋虾饼/牛仔骨/通菜等送酒菜式，认真过瘾。
友人无饮酒，嗌咗杯菠萝冰，佢评价清甜好饮。
整体用餐感觉良好，店员招呼亦有礼貌，希望有机会入元朗再encore！
张贴
