蟹仙海鮮蒸氣鍋 (已結業)

每次讲起食海鲜，大家都会谂起西贡或者流浮山近海既地方，但原来元朗都可以食到靓海鲜，因为呢间蟹仙嘅老板系海鲜供应商，每日都有海鲜由唔同地方空运到港，所以会亲自拣返最靓海鲜送去餐厅。由于每4个人会送甜品，所以我地约齐4个人出发。之前上网见到个个都食到饱饱走，所以我地BOOK左5:00PM，等食完之后可以多少少时间周围行下消化左先返屋企。估唔到5:00已经有客，仲要系外藉游客特意黎食，果然名不虚传。我地叫左$298套餐，一开始首先店员帮我地落个南瓜粥底。第一道就系澳洲青年龙虾，色泽通透咬落亦都啖啖肉，极爽口弹牙！第二道上嘅系越南顶角膏蟹，一放上枱已经见到劲肥美爆多膏，食落更啖啖膏味！其他海鲜例如纽西兰青口、纽西兰蛏子皇、贵妃蚌、深海龙趸片、鲍鱼同海虾都非常新鲜，啖啖肉，保证食到停唔到口。食饱仲有一个蔬菜篮消下滞，然后再食一开始既南瓜粥底。四人同行会送椰汁官燕炖雪燕，最岩女士滋补一番。