Couple's Kitchen (已結業)

提早庆祝520❤️，上网睇吓有咩心水餐厅🍴，见到依间餐厅不论装修食物都唔错咁，于是决心试吓，这间餐厅好易认，因为舖面装修有别于同街其他食肆，而且大大只字写住couple’s kitchen，对面街也见到.餐厅内在环境也充满欧陆风情，圆形拱门同埋窗，适合打卡，舖位唔算细，座位舒适，餐厅播放住英文歌，部分店员讲英文，感觉似去咗离岛餐厅，食物叫咗意式烟猪面温泉蛋卡邦尼扁意粉$137、香草奶油烤春鸡选配波菜$188、自家制鱼手指$58、香脆苹果金宝伴雪糕$56，香草奶油烤春鸡做得几出色，香口肉嫩多汁，份量刚好，虽然系春鸡但仍然啖啖肉，可以点埋附上的应该系香草汁，别有一番风味，鱼手指虽然系$58，但有四大旧，旧旧手掌咁长，绝不欺场，至于猪面意粉，出面真系好少食到，烟熏效果所以味道较浓，但唔会过咸，卡邦尼汁浓，啲汁挂到啲意粉，份量虽然比较少，但味道不错，最后个甜品，卖相几靓，雪糕下面藏咗啲苹果粒，味道调校得几好，唔系好甜，服务方面也不错，整体来讲不错.