薄荷葉泰國菜

营业中

休息中

今日同朋友突然好想食泰国菜，系元朗食泰国菜谂都唔驶谂就一定系去薄荷叶食㗎喇。因为依到啲泰国菜除咗好食外，重有啲特别嘅嘢食。依到嘅环境好舒服，重会有个萤幕系到播下片，播下音乐咁，好似落咗bar咁。我同朋友一坐低就叫咗个黑毛猪套餐杯黑啤就正正常常啦，就系黑啤啰但系𠮶个烧黑毛猪就真系今餐食过最好食嘅嘢黑毛猪佢本身就烧得好香好juicy，就咁用嚟送酒已经冇得顶，再加上佢有提供多几种食法俾大家，一个系点佢啲胡椒盐，点完食落去令到依个烧猪更香口。重有两只泰式嘅酱汁俾我地点，食落去都好重“泰”味。介绍完佢个泰式烧黑毛猪，就介绍下我最钟意嘅泰式菜炒金边粉喇依个金边粉劲靓，不过除咗样靓外，佢嘅味道都非常好，同埋唔会话炒得太干。但大家要记得将啲配料捞好啲，因为我朋友捞唔匀啲配料，佢就食到啖好多辣椒嘅，辣到佢喊。总括嚟讲，依间餐厅真系好值得大家嚟食，因为好味之余，佢地啲摆盘亦都好靓。员工嘅态度非常好，会教我地啲菜色点食最好。环境都好chill。