芭堤雅泰國餐館

营业中

休息中

元朗呢間餐廳近住大棠路同元朗西鐵站，非常方便。價錢都幾親民，兩個人食到好飽都係每人百幾蚊😳呢度嘅馬拉盞抄通菜都幾大碟，性價比高，味道仲好惹味！燒豬頸肉係另一款令我印象深刻嘅菜式。佢將豬頸肉燒烤得外脆內嫩，肉質鮮美，配上微微嘅燒烤香味，真係好唔錯。鐵板蠔仔炒蛋係將新鮮嘅蠔仔同蛋炒熟，再加上一啲芽菜同調味料，味道鮮美，蠔仔鮮甜又大粒🤩真係好好食。最後，泰式檸檬茶係我嘅最愛！佢將新鮮嘅檸檬同青檸檬製作而成，酸酸甜甜嘅味道非常解渴！總括嚟講，芭提雅泰國餐廳份量十足，環境舒適，服務態度亦都好好，都幾唔錯！