影片
更多
2023-07-10
393 浏览
薄荷叶泰国菜 Mint Thai House 📍元朗安骏里2号怡康大厦地下12-13号舖呢日同朋友约好喺元朗图书馆对面嘅一间泰国菜食晚饭，因为落大雨嘅关系，所以我哋坐咗入室内，有冷气叹唔怕俾蚊咬。一坐低就见到内里嘅装修好有特色，挂喺墙上嘅装饰同吊灯都好有泰国嘅风味。会拣呢间餐厅系因为见好多人介绍话佢好抵食，好大份，加上朋友啱啱去咗一转泰国，无得去嘅我当然要佢带我去食返啲泰国菜补数啦！ 💰$108泰式烧猪颈肉 🐖全餐入面我最欣赏嘅就系呢个泰式烧猪颈肉，除咗因为佢有一兜仔沙律伴碟之外，就系因为佢嘅猪颈肉表皮烤得好香脆，但咬落仍然弹牙有肉汁，唔会干柴！单价嚟讲有少少贵，但佢块猪颈肉都好大块，亦切到有10片以上，非常够食。推荐大家点埋佢个特制酱汁，包你食过返寻味！ 💰$108冬荫公汤 🍲我哋叫嘅呢个系细size嘅冬阴功汤，唔好睇佢个煲细细个啊，都𢳂到成6至7碗㗎！佢嘅酸味同辣味都好出，用料亦都非常足，入边有四只虾，虾肉新鲜唔会霉。佢仲有用大量嘅蔬菜去调味，所以饮嘅啖啖都系食材嘅鲜味同精华，呢个价钱嚟讲真系好抵饮！ 💰$118什菜粉丝煲 🥬🍲一个非常抵食嘅什菜煲，里面有芥兰、椰菜花、蕃茄仔、西兰
📍元朗安骏里2号怡康大厦地下12-13号舖
呢日同朋友约好喺元朗图书馆对面嘅一间泰国菜食晚饭，因为落大雨嘅关系，所以我哋坐咗入室内，有冷气叹唔怕俾蚊咬。一坐低就见到内里嘅装修好有特色，挂喺墙上嘅装饰同吊灯都好有泰国嘅风味。会拣呢间餐厅系因为见好多人介绍话佢好抵食，好大份，加上朋友啱啱去咗一转泰国，无得去嘅我当然要佢带我去食返啲泰国菜补数啦！
[价钱 Price]
💰$108
泰式烧猪颈肉 🐖
全餐入面我最欣赏嘅就系呢个泰式烧猪颈肉，除咗因为佢有一兜仔沙律伴碟之外，就系因为佢嘅猪颈肉表皮烤得好香脆，但咬落仍然弹牙有肉汁，唔会干柴！单价嚟讲有少少贵，但佢块猪颈肉都好大块，亦切到有10片以上，非常够食。推荐大家点埋佢个特制酱汁，包你食过返寻味！
[价钱 Price]
💰$108
冬荫公汤 🍲
我哋叫嘅呢个系细size嘅冬阴功汤，唔好睇佢个煲细细个啊，都𢳂到成6至7碗㗎！佢嘅酸味同辣味都好出，用料亦都非常足，入边有四只虾，虾肉新鲜唔会霉。佢仲有用大量嘅蔬菜去调味，所以饮嘅啖啖都系食材嘅鲜味同精华，呢个价钱嚟讲真系好抵饮！
[价钱 Price]
💰$118
什菜粉丝煲 🥬🍲
一个非常抵食嘅什菜煲，里面有芥兰、椰菜花、蕃茄仔、西兰花、红萝卜等等嘅蔬菜，亦有大量索晒汁嘅粉丝，用一个热辣辣嘅煲仔上菜，咋咋声咁食真系正到爆！虽然佢唔似一般嘅泰式炒菜咁咸香咁有镬气，但系呢个粉丝煲又饱肚又健康，无论好似我哋两个人食，定系一班人或一家人一齐食份量都好够，可以开心share ！
[价钱 Price]
💰$138
厨师特色虾酱炒饭 🍚
最后介绍嘅就系呢一个厨师特色虾酱炒饭，净系睇个造型都够晒架势啦！除咗一串三只嘅大虾之外，最特别嘅一定系围边嘅魔鬼鱼干！睇个样仲以为系炸洋葱之类，但原来系魔鬼鱼干嚟㗎，口感食落有啲硬同埋味带咸香，配埋炒得干身嘅炒饭一齐食，非常有泰式嘅风味！厨师真系好有功架，可以将一块薄薄嘅蛋皮煎得咁靓，用嚟包住热辣辣嘅炒饭。炒饭入边有一啲好浓味嘅肉粒，整个饭嘅份量都好大份，多到我哋两个都食唔晒。不过要留意嘅就系个饭味道都偏重，如果系重口味嘅人呢就建议可以一试啦，你哋一定会钟意！
张贴
