Woodsage

营业中

休息中

朋友生日，拣左呢间餐厅，其实以前都食过一次，印象系几好味，之后又听其他朋友讲起好食，于是就卜左枱食。平日加上位置较偏，人流未算多，亦未见坐满，店内装潢简约，算是倾计好地方。同朋友分别叫左奶盖抹茶、奶盖泰式奶茶，奶盖是好味的！😋泰式奶茶味浓，略嫌遮盖左奶盖嘅味道，如果叫奶盖乌龙茶应该会较出色。第一道菜式是樱花虾饼，好有惊喜，份量唔算多，size唔算大，但非常香口，而且好浓虾味，配合泰式酱汁令味道更加升华。第二道菜是松露芝士薯条，热辣辣即炸嘅薯条，配黑松露酱系冇得输嘅配搭！第三道菜是软壳蟹担担红咖喱意大利面，软壳蟹足料又脆口，意大利面带有浓浓嘅花生味，带点红咖喱嘅辣味，算不错。可惜配搭唔啱我个人口味。最后一道菜非常有惊喜，泰式烧鸡配薯蓉，起初以为会好难切，点知肉质非常嫩滑，而且好淋，仲好juicy，配上泰式嘅酱汁，简直冇得弹！连薯蓉都好好味！回头率100%！值得一题是店员服务亦好好，去洗手间行过走廊时，店员很贴心会提点有热水，小心烫到。