舍利鮨 (已結業)

放假山长水远同女友入元朗，系因为地胆话食过依间Sushi Shari嘅Omakase好正。净系睇门面都好和风。我哋坐喺吧枱同师傅有好多互动，环境亦好decent。我地左15品嘅set，已经好丰富。由于挂住食，同埋师傅话尽量快d品尝佢个鲜味，所以冇影太多相。寿司来讲餐厅应该系用赤醋，牡丹虾同鱼腩两件都好出色，虾肉口感绵绵，鱼生亦系厚切。至于呢个鱼子海胆一口饭更为惊人，因为用上根室海胆，呢款好有保证，完全唔腥。成个组合根本系绝配。刺身生蚝肥美，仲要系Jumbo Size！食完寿司刺身就食块鹅肝多士先，多士靓过平日茶餐厅炸果啲好多！整体真系食左好多嘢系满足嘅一餐，女朋友要去到咁远都冇怨，因为好食。地胆果然无介绍错。