鹵家

营业中

休息中

同朋友今晚去左系元朗教育路嘅卤家，我哋都异口同声都好钟意呢间小店。员工亲切有礼，晚市套餐又好抵食。两款皇牌小菜，时菜一碟，小食一款，两杯饮品或是日例汤，亦可选择白饭或面类。卤麻猪耳猪耳本身已经卤入晒味，所以本身已经好好食，外皮好腍，但软骨好脆，特别嘅口感，加少少麻辣味，食到停唔到口。卤水汁生菜套餐送嘅油菜，符合返主题卤水汁嘅油菜，虽然系普通油菜，但份量都非常之多。蜜汁叉烧王呢个真系要超级大推嘅叉烧，首先半肥瘦嘅比例十分完美，所以口感非常之好，可以讲得上系入口即溶，烧嘅火候亦都控制得恰到好处，真系有明炉烧味嘅香气。梅子脆烧鸭烧鸭嘅外皮十分之香口，脂肪比例好好，食落唔会太油腻。另外鸭肉嘅肉质一啲都唔嚡，肉味非常之浓。