鹵家

营业中

休息中

今日有幸经过呢间小店，意外地食到令人难忘嘅烧味，不得不分享一下。酒仙醉鸡卷，卖相吸引，酒香四溢，入口清凉啖啖肉，齿颊留香，夏天吃最适合不过😍梅子脆烧鸭饭，色泽红润，肉质肥而不腻，品质属于中上但唔算好惊喜。皇牌鸳鸯饭，即系双拼饭，今次拣左油鸡拼叉烧。油鸡香气扑鼻，鸡肉细腻嫩滑。叉烧肥瘦适中，外脆里嫩而且有汁，入口充满烧烤香气🤤无论是食饭抑或是饮酒，都系上上之选。每个饭餐仲送一杯饮品或者一碗足料靓汤。呢间小店好用心好出色👍🏻有呢个美味程度黎讲系好便宜，食到咁满足都只系160蚊，极度推荐叉烧同醉鸡卷。餐厅地点相对上少少隔涉，元朗人就应该唔难揾，如果其他区人士过黎可能就要花多少少时间揾一揾，但绝对值得。