摩登牛舌燒肉專門店

营业中

休息中

近期讲到去元朗食饭，要数人气强劲嘅餐厅，一定会谂起摩登牛舌烧肉专门店。餐厅镇店之宝嘅长龙牛舌，份量长到成只手臂咁长，绝对系牛舌界嘅天花板。而套餐除咗牛舌之外，仲有牛肋条、豚五花等，够晒抵食，至于味道方面…长龙牛舌作为镇店之宝嘅长龙牛舌，份量长到成只手臂咁长，一连22块嘅厚切牛舌，质感弹牙，烧好之后夹住盐葱嚟食，带出牛舌嘅浓浓牛味。凤梨牛肋条放喺原只菠萝上面嘅牛肋条非常吸引，油脂比例啱啱好，至于牛肋条系肋骨之间嘅肉，所以肉味特别浓郁，配上略烤过嘅菠萝，酸酸甜甜，非常惹味。厚烧豚五花最靓嘅猪腩肉绝对可以同牛肉平分秋色，呢度嘅五花肥瘦层次分明，一放落烧网就油香四溢，油脂将豚五花多余嘅油份迫出，烧到焦香先食就啱啱好。超大杯鸭屎香手打柠檬茶食咗咁多丰富嘅烧肉，呢个超大杯鸭屎香手打柠檬茶就绝对啱key！冻柠茶嘅茶味非常香浓，甜度适中，绝对系呢餐饭另一卖点。