影片
更多
2021-05-02
141 浏览
近日政府又推出疫情新措施，不过我哋两个人去食饭，对我哋冇乜影响。元朗多嘢食就系人都知，今次就拣咗又有好嘢食，又有酒饮嘅泰国菜餐厅。一入餐厅，分咗室外同室内(最近天气开始热，要留意下入夜会有蚊)，装修几特别，又有个Screen一直播住泰文歌嘅mv，够哂泰国风情。餐厅嘅食物同饮品都几多选择，样样都好吸引，好难先做到决择😂饮品比食物易拣，拣咗一杯蜂蜜味嘅Frozen版嘅麒麟啤酒，另外再拣一杯益力多沟Corona。两杯饮品都够哂冰凉，啱哂食泰国菜嘅心情。食物方面，我哋拣咗甜柚鲜虾沙律，椒盐魔鬼鱼同埋厨师特色虾酱炒饭。甜柚鲜虾沙律嘅柚子同蔬菜配上酱汁，味精酸酸甜甜，非常开胃，作为前菜绝对合适。唯一要弹嘅就系虾得两只，多人share就唔够分喇。椒盐魔鬼鱼听落几新颖，一见就心思思想试，喺众多选择下，最后都拣咗佢！魔鬼鱼分大中细，我哋得两个人，惊食唔哂，就叫咗细嘅。魔鬼鱼肉质食落同普通炸鱼冇乜分别，系实少少啫。由于魔鬼鱼系软骨鱼嘅一种，今次真系连骨都呑埋😂炸鱼配上三色椒，可以加返一点清新。再配上两种泰式风味嘅酱汁一齐食，发现自己拣佢系冇做错决定。厨师特色虾酱炒饭个卖相够哂出位，成个艺术品咁。炒饭配上多
一入餐厅，分咗室外同室内(最近天气开始热，要留意下入夜会有蚊)，装修几特别，又有个Screen一直播住泰文歌嘅mv，够哂泰国风情。
餐厅嘅食物同饮品都几多选择，样样都好吸引，好难先做到决择😂饮品比食物易拣，拣咗一杯蜂蜜味嘅Frozen版嘅麒麟啤酒，另外再拣一杯益力多沟Corona。两杯饮品都够哂冰凉，啱哂食泰国菜嘅心情。
食物方面，我哋拣咗甜柚鲜虾沙律，椒盐魔鬼鱼同埋厨师特色虾酱炒饭。
甜柚鲜虾沙律嘅柚子同蔬菜配上酱汁，味精酸酸甜甜，非常开胃，作为前菜绝对合适。唯一要弹嘅就系虾得两只，多人share就唔够分喇。
椒盐魔鬼鱼听落几新颖，一见就心思思想试，喺众多选择下，最后都拣咗佢！魔鬼鱼分大中细，我哋得两个人，惊食唔哂，就叫咗细嘅。魔鬼鱼肉质食落同普通炸鱼冇乜分别，系实少少啫。由于魔鬼鱼系软骨鱼嘅一种，今次真系连骨都呑埋😂炸鱼配上三色椒，可以加返一点清新。再配上两种泰式风味嘅酱汁一齐食，发现自己拣佢系冇做错决定。
厨师特色虾酱炒饭个卖相够哂出位，成个艺术品咁。炒饭配上多种配料，包括青瓜丝、洋葱、辣椒等等，食之前捞埋所有配料，带出特色炒饭嘅真正特色😂不过又系要弹下啲虾，做咗个造型一部分，肉质好硬，麻麻地…🙂
张贴
