好到底麵家

营业中

休息中

今次黎到呢间数一数二嘅元朗老字号「好到底面家」，一如既往都系食佢嘅招牌云吞面，云吞爽口鲜味，从厨房望入去有啲师傅即叫即包，所以都非常之新鲜，亦都好爽口弹牙。相信呢个云吞面最大嘅特色其实系喺啲面度，因为佢嘅面系冇碱水味，爽口唔似得一般系街边食到嘅面，有着碱水味。整体而言，呢间老店嘅食物都依然保存水准，值得一提嘅就系充满着香港老式食肆嘅装修，食起上嚟充满风味，以佢嘅面亦都有成品可以买嘅，用嚟送礼或者自己食都相当唔错！应该对于元朗人来讲，呢一间都可以算系由细食到大嘅怀旧云吞面舖，呢间铺系我心目中都代表着浓厚嘅元朗特色。