醉美島 (已結業)

元朗鸡地出名多野食，今次就去左鸡地食串烧，舖内外都有位。呢间系串烧为主,店内装修舒服，呢个特色墙都好特别～用自助落单都系会疯狂叫野食😂😂有惹味臭豆腐串，鸡泡鱼干，五花肉串，特中蒜茸烧生蚝🦪，洋葱鱿鱼须，鱿鱼板串，川烧牛串，惹味牛舌，鸡软骨串，烧鸡皮，醉美岛海鲜锅，生啤，百香果沙冰🤣🤣上串烧前会上一块热板，之后上既串烧都会放系热板上面，咁就会keep 住串烧既热度。佢地每一串肉都烧到香喷喷，仲可以自己落孜然粉，其他调味料～呢度既五花肉串，牛舌，鸡皮，烧生蚝都好正～五花肉串肥瘦均匀，鸡皮好脆好好食。烧生蚝🦪都冇得输，生蚝冇烧到干哂身，仲keep 到涨卜卜，软软既口感。洋葱鱿鱼须，有埋粉丝架🤤🤤鸡泡鱼干好香口，配埋酒一齐食，正呀！另外，佢地既海鲜锅都好值得试，除左有大大只蟹系里面，仲有虾，鲍鱼，配料仲有吸汁既粟米，豆卜，吸哂海鲜既精华好味☺️☺️呢度既食物不错，价钱都唔贵，真系可以再去。