Couple's Kitchen (已結業)

今日去左元朗另一间西式餐厅，叫做Couple's kitchen。佢都几大间，成间餐厅门面都系绿色加金色，好eye-catching又系elegant既路线。餐厅入面都装修得好靓，有好多打卡位。同埋佢座位都好宽敞舒服，我地两个人都可以坐到卡位，又冇限时入座，可以慢慢好舒服咁倾计食野。我地今晚叫左： 🔸️脆炸洋葱圈配柚子蛋黄酱（$58，8.3／10）佢揾左个几得意既小木筒黎装。洋葱圈炸得好酥脆，唔会太油腻，配埋柚蛋黄酱几清新。 🔸️葡式酱烤澳洲羊架 （$278, 8/10）有三块羊架，食落好有咖哩味。羊架上面佢应该系加左啲芝士落去焗，食落软软糯糯咁，几得意。整体都ok。 🔸️  手工意式香草蕃茄肉酱千层面（$158, 8/10)呢个蕃茄肉酱千层面味道正常，都好重蕃茄味。特别想一赞系佢伴碟既焗薯十分好味。佢配菜有菜芯同莲藕，都几搞笑，唔知佢系唔系想行fusion路线。