逸之燒 (已結業)

餐厅系近yoho mall 𠮶边，行过去5分钟左右，店内装修好日式，一坐低，店员即刻递上Menu，用心介绍~食物款式有好多种类，刺身、串烧、炭炉烧、一品料理、锅物、主食等等。⭐️烧鳕鱼片$25呢个有惊喜㖞，烧到脆卜卜咁，作为餐前小食， 十分过瘾。⭐️地金目鲷 $198因为唔系主餐牌，纯粹写落个黑板度，加上我可能有啲散光，以为佢$98四片，点知买单先发现原来系$198😂不过冇所谓啦，因为佢真系好高质，比普通嘅鲷鱼更加爽，鱼油更香。⭐️三文鱼腩刺身 $88⭐️左口鱼裙边寿司 $28正常发挥，冇乜特别😂⭐️烧鹅肝多士 $76/2件鹅肝入口即溶，多士烤得够干脆，能够中和鹅肝嘅油腻。⭐️盐烧五花串 $28五花腩透过炭火烧香后，脂肪溶得油香扑鼻，令佢更外脆内软，肉多汁。⭐️安格斯牛小排寿喜烧 $158寿喜烧系我嘅至爱之一🥰咸咸甜甜嘅酱汁，令人爱不释手，配上鲜嫩嘅牛小排，吸收了汤底的精华，十分滋味，另外仲有一啲蔬菜类，非常丰富。⭐️松叶蟹粥 $108性价比高，有一丝丝的蟹肉，鲜味完全渗入粥底，而且都几大煲，一锅有4-5碗的份量。