千賀水產 (已結業)

有好一段日子未来过元朗了，今日特别应朋友邀请来到元朗大马路附近一边倾计一边食个日式任食矶烧放题。佢系一个价钱包任食自助吧，包不同嘅饮品，包各项日式食物包括刺身寿司等等，最重要仲包埋矶烧任食添，颇为化算。矶烧类方面佢首先会来个海鲜拼盘比大家烧，有元贝，青口，大虾同蚬等等，款款鲜甜味美，跳出来仲好香添好似去左烧野食咁。食晒嘅话仲可以叫其他嘅配料的。刺身寿司类方面佢同其他日式任食店一样，有各种唔同类型嘅刺身，三文鱼，带子，鲍片，蚌片等等，因为有太多种野食啦。虽然每一样只系叫左少少，款款即叫即做，很不错。另外仲叫咗寿司来试下都唔差的。小食类方面推介日式碗仔翅，热辣辣又入味。另外推介日式一口牛，有少少入口即溶嘅感觉。佢嘅牛肉拉面都唔错㗎。最后要左两种矶烧小食-铁板芝士骨，同埋蟹皇粥，食到揽住个肚走。