倆口小吃 (已結業)

日思夜想终于比我食到俩口小吃🥹❤️讲左几年话要入元朗食，但我呢个城市人仍然未有机会入元朗🥲终于等到中环Base Hall Food Court有得食，虽然贵好多但有位坐又唔需要排队，呢个价钱值得既！😂🤣不过中环分店好多款式都长期售罄，可以选择既唔多~🌟传统猪腩肉刈包 $58呢个系餐厅招牌刈包，刈包入口松软，入面放左满满既炆猪腩肉、花生碎、酸菜同芫茜🤤餐厅将半肥瘦既猪腩肉切细块，分量好多，而且炆得好淋好入味，肥肉位入口即溶，加上酸酸甜甜既柚子酱平衡猪腩肉既肥腻😋另外刈包入面都放满酸菜同花生碎，最后再放上大量芫茜，令味道口感都更升华💗🌟韩式泡菜炸鸡刈包 $68炸鸡爱好者既我当然系钟意呢款多D😝炸鸡大大旧，而且炸到金黄色，外皮好薄，入面肉质都好嫩🤤厚到系要大大啖食先食到🤤🤣上面有满满既泡菜奶油芝士汁，食落辣辣地但同时好creamy好惹味！中间仲夹住梨、京葱、葱花同翠肉瓜丝，增加口感😝🌟炸白玉🍡 $30呢个炸白玉比想象中巨型🤣大大串！白玉沾满黄豆粉同黑芝麻粉，再淋上少少糖浆，新鲜炸起食脆卜卜好似煎堆！不过冻左入口就会变得有点油腻~不过值得一试🌟抺茶忌廉芝士压饼🍵 $45其实最想食就系呢个压饼！！