影片
更多
2024-10-03
332 浏览
自从YOHO开咗So Bangkok之后，一直都想揾机会试吓！因为每次经过餐厅门口，我都俾佢粉红色充满少女心嘅装潢所吸引！So Bangkok 有分室内及室外位置，餐厅播放著热门泰剧歌曲，俾人感觉休闲写意，有啲似去咗泰国度假咁！点咗几款食物：泰式凉拌三文鱼头盘拣咗比较少见嘅凉拌三文鱼，三文鱼好肥美，加上大量泰式香料、酸汁，酸酸辣辣，非常清新开胃嘅一道前菜！泰式香草肉碎炒意粉充满泰西fusion元素！意粉炒得干身，唔会太油腻，同埋金不换一齐炒，多咗一层清香，面头嘅温泉蛋流心度啱啱好，如果肉碎多啲就更加丰富啦！泰式青咖喱猪颈肉配烤饼猪颈肉表面烧到焦香，肉质嫩滑唔会嚡口，青咖喱辣度适中，香料味道层次丰富。烤饼就反而有啲失望，份量偏少，而且比较干，唔够松化。双重芒果熔岩冰冰熔岩冰冰喺呢度嘅招牌甜品，款式非常多，来到必点！拣咗双重芒果味，一拎起围住刨冰嘅胶边，面头嘅芒果奶盖就似熔岩般倾涌而下，令人忍唔住相机食先！呢个甜品唔单止卖相吸引，味道都好惊喜！呢个椰奶刨冰有芒果奶盖、芒果酱、自家制椰子雪糕、西米、金宝脆脆、新鲜芒果粒，不论口感抑或味道都好丰富！刨冰好细滑，每一啖都食到芒果味，自家制雪糕嘅椰
点咗几款食物：
泰式凉拌三文鱼
头盘拣咗比较少见嘅凉拌三文鱼，三文鱼好肥美，加上大量泰式香料、酸汁，酸酸辣辣，非常清新开胃嘅一道前菜！
泰式香草肉碎炒意粉
充满泰西fusion元素！意粉炒得干身，唔会太油腻，同埋金不换一齐炒，多咗一层清香，面头嘅温泉蛋流心度啱啱好，如果肉碎多啲就更加丰富啦！
泰式青咖喱猪颈肉配烤饼
猪颈肉表面烧到焦香，肉质嫩滑唔会嚡口，青咖喱辣度适中，香料味道层次丰富。烤饼就反而有啲失望，份量偏少，而且比较干，唔够松化。
双重芒果熔岩冰冰
熔岩冰冰喺呢度嘅招牌甜品，款式非常多，来到必点！拣咗双重芒果味，一拎起围住刨冰嘅胶边，面头嘅芒果奶盖就似熔岩般倾涌而下，令人忍唔住相机食先！呢个甜品唔单止卖相吸引，味道都好惊喜！呢个椰奶刨冰有芒果奶盖、芒果酱、自家制椰子雪糕、西米、金宝脆脆、新鲜芒果粒，不论口感抑或味道都好丰富！刨冰好细滑，每一啖都食到芒果味，自家制雪糕嘅椰子味香浓天然，自家制金宝脆脆口感松脆，每个细节都见用心！
张贴