老闆火鍋冰室

营业中

休息中

之前行过见到呢间铺头嘅装修好有特色，咪八卦望下系咩黎，见到个名叫「老板火锅冰室」，原来系食粥底火锅嘅，而且$198一位，又真系唔贵㖞，所以今晚决定系试吓😎😎首先装修真系好怀旧好特别，坐落亦都好舒服，环境又卫生，已经感觉良好。服务员姐姐好有心机咁话俾我哋听系点样点菜，原来系先拣五样海鲜，再拣八样配料，再之后汤底就会变粥，系好丰富嘅。所以我拣了虾、鲍鱼、刀贝、贵妃蚌、北寄贝。配料就拣了咸蛋猪肉丸、肥牛、牛柳粒、粟米、蟹子墨鱼酿鱼肚、腐皮墨鱼卷、黑豚梅肉、黑椒牛丸。讲真，开头见到个汤底只系粥水，以为会冇乜味，但系原来佢首先系叫我地先食海鲜，原来啲海鲜真系好新鲜好鲜味，连豉油都唔使点，而且餐牌上边已经好仔细话俾我哋听每款海鲜嘅煮熟时间，真系好细心包保唔会令海鲜熟过头。有咗海鲜啲鲜味之后，就开始食配料，啲配料一样好新鲜好有特色好好味，我真系食到高兴。其实食到呢度都饱饱地，最后服务员姐姐过嚟帮我地煮埋个粥，个汤底已经有晒所有海鲜的鲜味，最后用嚟煮埋个粥，真系好味到不得了，不过最后因为太饱我只系食咗一碗，最后我仲将个粥打包拎返屋企宵夜，今餐边炉真系大满足。元朗真系好多嘢食，而呢一间老板火锅冰室，真系