大圍小館

营业中

休息中

终于元朗有分店，新开无耐已经咁多人等位，名牌即系名牌👍🏻装修简洁舒服，空间感够，有啲古色古香，好钟意呢种设计，唔花巧又精致，坐得舒服😌呢个招牌冰花蛋球（沙翁），师傅每日一早制作，搓足一个钟，好多地方已经失传，而且限量供应，真系手快有手慢无，外脆内软，外面铺满砂糖，蛋香绵滑，又有咬口，找回童年时嘅回忆🥰另一必食招牌菜流心煎糯米鸡，蛋汁渗入煎香嘅糯米鸡入面，呢种食法真系好滋味，与别不同，估唔到煎一煎之后嘅感觉竟然可以提升咁多，又系外脆内软，糯米够香而且烟烟韧韧，又够饱肚👍🏻灌汤饺🥟，矜贵又足料，小心翼翼放入碗内，高汤慢慢渗出，浓香扑鼻，选用北海道瑶柱、北海道刺身级带子、天自花菇、海白虾及金华火腿，店员话炖足十几个钟，真心好正，与别不同👍🏻特大虾饺，选用海白虾及鲜笋，正式皮薄馅靓，要趁热食，烧卖全部用新鲜猪肉，肥肉唔多，入口甘香富肉味，我就超级喜欢🤗眼泪奶皇饱，个名好搞笑，唔系代表佢会流眼泪，店员话食嘅时候小心焫亲咀仔，我初时都觉得有冇咁夸张，点知真系一咬开就咇晒出嚟，好香好滑，真系连手指都啜埋🤣千层糕好香蛋黄味，但食落去又唔会觉得好漏，可能因为比例做得好，令人感觉好正好满足👍🏻佢哋点心当然