影片
更多
2018-01-31
530 浏览
人人都话元朗好多好嘢食，但其实我真心无乜点试过，所以好多人会话我枉为元朗人（哈哈）。而家我宣布，我要做番个元朗人喇！今次介绍嘅呢一间，系住系香港区嘅朋友都话，入泥一定要试！如是者，我地就一早特登行去试呢碗人人食过都赞好嘅「沙嗲牛肉面」。虽然一早就去到，但都需要排队等位，果然并非浪得虚名。等咗大概十分钟左右，侍应姐姐问我地，可以入座但要坐逼啲。饿咗一段时间，当然立即话好啊好啊入去坐低先。睇一睇餐牌，呢度无提供早餐或常餐，只可以单点。太饿了，所以二话不说柯打咗两碗沙嗲牛肉面、一份餐肉蛋三文治同一杯冻柠茶。因为人多嘅关系，食物似乎要等耐啲。最先到系饮品，其后系三文治，即叫即整、味道不俗，唯一不足之处系唔记得叫烘底，所以口感上好似缺少咗嘢，所以记住烘底喇！坐多咗阵，沙嗲面到了！话说面有两款选择：分别系蟹皇面同出前一丁。事关同朋友柯打嘅面款都唔同，所以试完后，个人觉得蟹皇面系好食啲，因为面身比较嫩啲，容易入味，比较夹沙嗲牛肉汁。至于呢度既汤汁真系好浓郁，沙嗲嘅香味令人好开胃，一啖汤一口面，瞬间就食完一整碗。 胃口较大嘅朋友，建议你一系叫多份三文治或者面加底。总结，虽然价钱比同区嘅茶餐厅贵，但质素
虽然一早就去到，但都需要排队等位，果然并非浪得虚名。等咗大概十分钟左右，侍应姐姐问我地，可以入座但要坐逼啲。饿咗一段时间，当然立即话好啊好啊入去坐低先。
睇一睇餐牌，呢度无提供早餐或常餐，只可以单点。太饿了，所以二话不说柯打咗两碗沙嗲牛肉面、一份餐肉蛋三文治同一杯冻柠茶。因为人多嘅关系，食物似乎要等耐啲。
最先到系饮品，其后系三文治，即叫即整、味道不俗，唯一不足之处系唔记得叫烘底，所以口感上好似缺少咗嘢，所以记住烘底喇！
坐多咗阵，沙嗲面到了！话说面有两款选择：分别系蟹皇面同出前一丁。事关同朋友柯打嘅面款都唔同，所以试完后，个人觉得蟹皇面系好食啲，因为面身比较嫩啲，容易入味，比较夹沙嗲牛肉汁。至于呢度既汤汁真系好浓郁，沙嗲嘅香味令人好开胃，一啖汤一口面，瞬间就食完一整碗。胃口较大嘅朋友，建议你一系叫多份三文治或者面加底。总结，虽然价钱比同区嘅茶餐厅贵，但质素确实唔错，几值得一试！
张贴
