學記麵家

营业中

休息中

呢间元朗老字号面家系元朗巴士总站隔离个冬菇亭已经好多年 愈做愈出名 开左好多分店 而家系其他地方都买到佢地既丸 妈咪有时都会买佢地既鱼蛋墨丸返黎煮面食 真材实料 爽口弹牙 用真鱼肉做 不过咁耐以黎都无去过老店到坐底食 今日谂唔到lunch食咩 又咁岩行过就坐底食碗面 呢到有出面好难揾到既牛沙瓜 即刻整返碗牛沙瓜河$30 再加$9整杯茶走 茶走香滑无涩味 甜度岩岩好 个面汤底几香 沙瓜份量都多 仲有几条生菜 不过沙瓜煮得太耐 腍左少少 唔够爽口 暂时食过最好食既牛沙瓜都系龙门居宵夜档