亞萊嘜嘜 (已結業)

是日参加完行山event，系大帽山落黎就系荃湾揾野食。一行人肚子空空，又唔知有乜好去处，见到亚莱o麦o麦，笔者曾经在元朗吃过，味道不错，于是便提议试食荃湾呢一间了。不用等太耐就有得入座，正合我们意。友人想吃生虾刺身但没有了，算是一个缺憾。侍应态度很好，他提议我们吃猪手，问要半只定一只，我地完全没有概念，佢见我地6个人又话一只都系多十几蚊定点所以我地就要左一只了。猪手果然没令我们失望。肉很冧，冧到一夹就碎咁哈哈。蟹肉香芒炒饭，正正常常。都系个D炒菜，无乜评论。冬荫公明炉鱼，可能系我唔识食既问题，总系觉得冬荫公同个鱼好分开。就咁饮个汤不错，加左落个鱼度，本身有D汁就沟淡左无晒味，可能最好既食法都系夹Ｄ鱼落Ｄ汤度会好Ｄ。仲叫左炒金边粉、生菜包同芒果糯米饭，不过挂住食所以无影，味道都不错，埋单好似每人around$120到，包友人叫的两杯野饮，所以其实价钱都OK。笔者呢几个月猛咁食泰国野，呢间算唔错，起码好过上次系大尾督食个间，上次个间又贵又唔好食。不过数到笔者最爱，都系粉岭联和墟附近既泰好味，真心超级好食又平，揾日再同大家介绍。