影片
更多
2023-05-05
56 浏览
囍串 Xi Chuan📍元朗安兴街59-67号安泰楼地下8号舖前排同朋友去元朗图书馆温书，走嘅时候见到呢间喺公园转角食串烧嘅餐厅，觉得啲嘢食都几有特色，唔系常见嘅烧烤串烧店嘅嘢食，爱试小店嘅我哋就入咗去食晚餐。入座时大约7点半，本来只有一两台客，估唔到餐厅越夜越精彩，去到接近8点半时已经座无虚席，非常受街坊欢迎！餐厅嘅墙身挂住好多搞鬼嘅装饰，又有一部大大嘅电视播住连续剧，串烧店嚟讲唔算太嘈，地方干净企理，服务员态度非常友善，好殷勤，好加分！ 💰$24烧芝士年糕 🧀虽然叫做烧芝士年糕，但原来都有炸过嘅，佢嘅芝士唔会太重味，年糕烟烟韧韧，加埋炸到金黄香脆嘅外皮一齐食，异常地夹。 💰$26孜然羊脾肉 🐑因为唔想食咁多肉，所以我哋都只系叫咗一款肉类串烧嚟试吓。我拣咗我最爱嘅孜然配最爱嘅羊肉，呢款羊脾肉无筋，每粒都沾满左自然嘅香气，外面烧得到少少焦香，好味！ 💰$24炸馒头 🥯炸馒头似乎系呢间餐厅嘅招牌菜，我见每一台客人都会叫至少一份，有一台四人台仲叫咗两份嚟share，我哋都唔执输，叫返一份嚟试吓。佢嘅馒头唔会实定定，外面层表皮炸到非常酥脆，点埋炼奶一齐食，正！估唔到串烧店都食到咁高质嘅小食！
📍元朗安兴街59-67号安泰楼地下8号舖
前排同朋友去元朗图书馆温书，走嘅时候见到呢间喺公园转角食串烧嘅餐厅，觉得啲嘢食都几有特色，唔系常见嘅烧烤串烧店嘅嘢食，爱试小店嘅我哋就入咗去食晚餐。入座时大约7点半，本来只有一两台客，估唔到餐厅越夜越精彩，去到接近8点半时已经座无虚席，非常受街坊欢迎！
餐厅嘅墙身挂住好多搞鬼嘅装饰，又有一部大大嘅电视播住连续剧，串烧店嚟讲唔算太嘈，地方干净企理，服务员态度非常友善，好殷勤，好加分！
[价钱 Price]
💰$24
烧芝士年糕 🧀
虽然叫做烧芝士年糕，但原来都有炸过嘅，佢嘅芝士唔会太重味，年糕烟烟韧韧，加埋炸到金黄香脆嘅外皮一齐食，异常地夹。
[价钱 Price]
💰$26
孜然羊脾肉 🐑
因为唔想食咁多肉，所以我哋都只系叫咗一款肉类串烧嚟试吓。我拣咗我最爱嘅孜然配最爱嘅羊肉，呢款羊脾肉无筋，每粒都沾满左自然嘅香气，外面烧得到少少焦香，好味！
[价钱 Price]
💰$24
炸馒头 🥯
炸馒头似乎系呢间餐厅嘅招牌菜，我见每一台客人都会叫至少一份，有一台四人台仲叫咗两份嚟share，我哋都唔执输，叫返一份嚟试吓。佢嘅馒头唔会实定定，外面层表皮炸到非常酥脆，点埋炼奶一齐食，正！估唔到串烧店都食到咁高质嘅小食！
[价钱 Price]
💰$38
奶酱西多 🧈🍞
嘅份奶酱西多其实可以叫估迷你西多，因为佢将一份大份嘅平分咗四份，每一份都独立淋上咗大量炼奶，里面搽咗一层厚厚嘅花生酱，极度邪恶！最特别嘅位就系佢呢啲炸物都系会一齐放喺烧烤炉上面，用蜡烛嘅热力继续保温，所以几时食都系热辣辣。
[价钱 Price]
💰$28
一碗小馄吞 🥟
一碗有6粒嘅小馄吞，内馅系猪肉同菜，味道偏浓，唔似大大粒嘅广东嘅馄吞，反而有啲似内地嘅扁食。馄吞皮唔厚，每只馅都包得好饱满，叫一碗每人食3只过下口瘾都几抵！
[价钱 Price]
💰$78
家乡炒米粉 🍜
餐牌介绍呢碟家乡炒米粉好有路边摊嘅风味，的确系好重嘅镬气，上台嘅时候热辣辣出晒烟，炒米粉嘅香气扑鼻而嚟！佢用咗鸡蛋、叉烧、芽菜同香葱去炒，份量十足好饱肚。
[价钱 Price]
💰$31
弹滑刮刮鸡蛋肠 🥚
估唔到串烧店仲会有肠粉食，呢碟肠粉望落好似皱皮肠粉咁，其实系鸡蛋肠嚟㗎，而且真系做得到个名讲嘅咁样又弹又滑。虽然无肉嘅肠粉系清淡咗少少，但鸡蛋嘅香味够，而且有足足四条咁多，真系劲抵食。
[价钱 Price]
💰$32
荔枝梳打 🍹
咁大杯嘅荔枝梳打，你见过末？呢度嘅饮品大部份都系用呢款Hoegarrden酒杯装，足足有成500ml咁多，连冻柠茶同沙冰都系呢个size，真系劲抵饮！我呢杯荔枝梳打味道偏甜，有啲似儿时食𠮶只好多汁嘅荔枝味啫喱，夏天饮非常解渴！
[价钱 Price]
💰$45
朱古力脆脆Coco 🍫🥤
朋友叫咗呢杯朱古力脆脆Coco，佢嘅朱古力味唔会太苦太浓，酱忌廉捞埋一齐饮，口感好creamy。最惊喜嘅系佢放喺顶嘅Coco脆片仲系脆㗎，上面仲唧满朱古力酱，好邪恶呀！
张贴
