Story Steak & Pasta (已結業)

家姐系呢头返工，今晚特登过黎接佢收工同佢食饭。我地2个都想食西餐，逛下逛下就比story steak and pasta个门口吸引左😂装潢别致，简单的工业风再配上墙上的小装饰，整体感觉都好舒服。我地叫左2个set，分别系香煎澳洲洋架+配菜 $118 同埋巴马薄饼 $88。 2个都已经包左餐汤餐饮同包，超抵食！餐汤可以选南瓜汤或者蘑菇汤，我地不约而同都系选择左蘑菇汤！蘑菇味浓郁，够滑溜又唔会稀，而餐包就系跟蒜蓉包。先黎的系巴马薄饼，pizza真系好常食，不过配parma ham就真系第一次。pizza系属于薄身质地，个人认为薄身无厚身咁油腻，所以我都系喜欢薄身多d。讲返个pizza先😂， parma ham的味道同pizza系岀奇地夹，香脆得黎又带小小咸香，相当不错！另外就是澳洲羊架了！配菜可以选择薯条，薯蓉，饭，意粉。我地选择了薯蓉，薯蓉好香忌廉味，口感亦唔会话太粉，够哂软滑，不过卖相可以好小小haha。另外仲有新鲜沙律菜跟埋，超级丰富，够哂fresh呀!最后羊架方面，我地叫左7成熟，肉质嫩滑，又够肉汁，食到停唔有口！便宜的价钱，有咁样的质素，仲要唔使加一，整体感觉相当不错！