丼家 (已結業)

今次去咗一间食日式海鲜丼嘅小店，舖头唔算好大，得十张枱左右。可能时间尚早，我哋入去果阵6点左右，只有两枱客，之后就陆陆续续有客人，绝大部分都系一个人来。除咗丼之外，其实仲有小食、寿司、拉面、乌冬...等。店名讲到明叫丼家，我哋当然要叫丼食啦！呢度嘅丼同其他舖头嘅唔同之处就一定系个器皿，通常都系用碗装住，而佢系用方形木盒装住，卖相都唔错，成个盒面铺满晒𩠌，唔好以为个盒深度唔太高d饭就好少，其实已经有成碗几饭，对唔系饭筒嘅我已经够有突。蟹皇丼身为蟹妹嘅我，一见到呢个蟹皇丼就发青光。有齐蟹肉、蟹籽、蟹膏、蟹脚同蟹钳，真系好似叫一个丼可以食齐一只蟹咁！但老实讲，味道唔算突出，始终$128都系罐头/冰鲜货，鲜味欠奉。甘虾三文鱼香葱吞拿鱼另外叫咗个以刺身为主嘅丼，三文鱼同甘虾各3只再加一小球香葱吞拿鱼蓉，呢个反而唔错，剌身都几新鲜。蟹籽沙律我哋食日本嘢都系有个情意结，就系每次都要叫蟹籽沙律，但呢度个份量都几少，味道极普通，如果唔系好似我哋咁有情意结，可以唔试。