永恆豬雜粉

营业中

休息中

今日又系元朗揾食，呢次试咗新嘢，就系食猪杂汤。牛杂大家食得多，专门食猪杂又真系吾系咁多，所以一定要去试。小店位于元朗水车馆街，店子小小，只有三张二人枱，繁忙时间需耐心等候坐位。如果住得近，或者外卖食更快捷。见餐厅介绍自己有肉档，每日供应新鲜猪杂。并且以大量猪骨熬制香浓猪骨汤底，然后采用新鲜猪杂即叫即生滚。《足料猪杂汤》（$88）成碗猪杂汤有晒心、肺、喉、膶、肚、横脷、粉肠等，令整碗汤好鲜甜。咁大碗，咁多工夫需要处理，真心抵食。最紧要嘅系，我朂钟意食嘅猪肠同猪肺，都洗得好干净冇苏味。《卤水猪大肠》（$28），卤水够入味，而且唔会太肥美，感觉冇咁邪恶。试埋个《猪脚筋姜醋》（$58），又几好饮，蛋够香，猪手脚够惹味，仲有脚筋添，好补身。整体真心不错，值得去试吓。