鋒哥廚房 (已結業)

今日喺元朗呢一间餐厅打边炉，我哋食呢一个餐除咗打边炉之外，仲有烤鱼和麻辣鸡煲食，今次真系有口福啦！先讲咗最钟意食嘅火锅先，火锅材料超多，新鲜又靓，任食唔嬲！要咗个四川麻辣汤，麻辣味真系四川级别，啱晒钟意食辣嘅我哋。火锅材料真心丰富牛丸和猪肉丸啖啖肉，弹牙又多汁。😎海虾🦐大大只，弹牙又爽口，鲜甜且充满虾味。🤩青口新鲜而且味道浓郁。😉沙白蚬鲜甜又冇沙，打边炉一。😙安格斯牛小排肉味浓郁，油脂比例平均，甘香松化极之好味😋安格斯牛颈脊又系好滋味，脂肪比较少，食多啲都唔惊肥。😁黑毛猪鲜甜又唔膻，甘香好味！🥳响铃吸咗麻辣汤汁，口感香脆又柔软，不论口感还是味道都非常丰富。😏麻辣烤鱼用咗成条鱼去整，烤鱼嘅时间控制得非常好，鱼肉鲜嫩又多汁，油脂份量更系啱啱好，同辣汁非常夹，入边用咗大量辣椒🌶️，花和香料烤焗，越烤就越香，越食越滋味。除咗食仲有大量饮品，汽水，茶，生啤都系任饮，仲有多款甜品可以选择。食到我哋肚满场肥。