影片
更多
2022-04-04
193 浏览
点解今次我会用吃茶店唔系叫Cafe咩？因为系日本黎讲，吃茶店系只提供咖啡、红茶、轻食，而Cafe则可以提供埋正餐同酒类。呢间系元朗新开既吃茶店主要提供数款甜品同饮品，店名Find the way应该系中岛美嘉既歌名，门上仲印左首歌既歌词言叶なくても 飞ぶはねはなくても。店内只有200尺同8席既吧台空间，虽然空间唔大但座位后都有挂勾同衣架比客人挂外套或者袋，好贴心👏🏻吧台既好处，就系可以望住两位店主为客人即场制作，仲可以交流，拉近人与人之间既距离☺️今次周末1点半左右黎到，都等左三张枱，预大概等左半小时后入座，入座后开始多人等位，如果大家唔想等咁耐记得避开下午茶个d时间啦～.枫糖浆松饼配饮品 HKD80由于系即叫即做，所以会需要少少时间！Menu上有两款set，一款系意式蔬菜汤配饮品，而我拣左松饼set，松饼set既话得一块🥞如果单点可以拣单份或者双份～松饼送上时热辣辣，面头有一小块牛油，而枫糖浆系另上，可以按自己个人口味落个份量🍯咁比我紧系一次过落晒…😆松饼好松软！ふわふわ！！亦都好香蛋味，质感湿润，意外地好喜欢！因为本身好惊口感干既蛋糕所以比较喜欢梳乎厘pancake，但佢不但湿润度啱
呢间系元朗新开既吃茶店主要提供数款甜品同饮品，店名Find the way应该系中岛美嘉既歌名，门上仲印左首歌既歌词言叶なくても 飞ぶはねはなくても。
店内只有200尺同8席既吧台空间，虽然空间唔大但座位后都有挂勾同衣架比客人挂外套或者袋，好贴心👏🏻吧台既好处，就系可以望住两位店主为客人即场制作，仲可以交流，拉近人与人之间既距离☺️
今次周末1点半左右黎到，都等左三张枱，预大概等左半小时后入座，入座后开始多人等位，如果大家唔想等咁耐记得避开下午茶个d时间啦～
.
枫糖浆松饼配饮品 HKD80
由于系即叫即做，所以会需要少少时间！Menu上有两款set，一款系意式蔬菜汤配饮品，而我拣左松饼set，松饼set既话得一块🥞如果单点可以拣单份或者双份～
松饼送上时热辣辣，面头有一小块牛油，而枫糖浆系另上，可以按自己个人口味落个份量🍯咁比我紧系一次过落晒…😆松饼好松软！ふわふわ！！亦都好香蛋味，质感湿润，意外地好喜欢！因为本身好惊口感干既蛋糕所以比较喜欢梳乎厘pancake，但佢不但湿润度啱啱好得黎有少少咬口，而且落埋味道偏温和既枫糖浆都唔会抢左蛋香味☺️
枫糖浆松饼
27 浏览
0 赞好
0 留言
24 浏览
0 赞好
0 留言
6 浏览
0 赞好
0 留言
牛奶浓缩咖啡
套餐配一款HKD40饮品，拣左Flat White☕️拉花好靓啊✨饮落口感好滑好smooth，奶同咖啡比例啱啱好，唔会话好苦～而且只成套杯碟好靓啊，白色底色，绿色花边同绿叶再有数朵红色花点缀❤️
牛奶浓缩咖啡
10 浏览
0 赞好
0 留言
雪糕梳打 HKD50
老实讲见到有呢款梦幻雪糕梳打既时候就bookmark左一定要黎，因为系香港好少见，对上一次已经系2年前系日本去一间由昭和时代开既吃茶店既时候饮，真系勾起我既回忆🥺
雪糕梳打有两款口味，可以拣蜜瓜或者蓝橙，蜜瓜的话系青色，蓝橙的话系蓝色，两杯既颜色都好梦幻！而且面头仲有黎糖渍樱桃十分抢眼🍒今次我拣左蜜瓜味，黎到杯饮品青bb真系好得意，饮落好香蜜瓜味🍈雪糕系云尼拿味，搅拌后饮落又唔同左味，变左带奶味既蜜瓜梳打，饮到停唔到口！唔知蓝橙会系咩味呢，下次黎再试下😋
雪糕梳打
19 浏览
0 赞好
0 留言
杂果宾治忌廉蛋糕 HKD50
呢款蛋糕好似漫画咁，四四方方，一层一层既海绵蛋糕同忌廉，中间再夹住唔同生果，例如士多啤梨、青提子、橙，生果一d都唔酸，连埋忌廉既甜味啱啱好几清新，而且海绵蛋糕好湿润！重点系蛋糕上面再有黎士多啤梨点缀，不过得半粒…🥺🍓 不过影相效果满分📷系一款一年四季大人小朋友都啱食既甜品💖
杂果宾治忌廉蛋糕
31 浏览
0 赞好
0 留言
讲多少少，店内既杯碟每款都好靓好优雅，同埋唔系清一色一样架！睇落似每一款都独一无二，大家都可以期待下到自己既时候会系咩既杯碟👏🏻
踏入4月Menu都有新品上架，例如蓝莓酱芝士乳酪冻饼、焦糖鸡蛋布丁，亦开始提供客席单品手冲咖啡，咖啡豆用来自日本长崎既Karimons Coffee Roaster。有兴趣既朋友记得黎试下啦！
.
Find The Way
地址 ｜
元朗屏会街9号同发大厦地下P3号舖
张贴
