Sage Bar

营业中

休息中

Item: Sage Bar
Rating: 5
Author: bdyng1208

4.5

68 食记

味道

环境

服务

卫生

抵食

1059

元朗

$101-200

西式酒酒吧

bdyng1208

等级1

星期日天气好好，约咗个朋友入嚟元朗饮嘢，但系行咗好多间都觉得好似环境唔系太靓太嘈，我哋想揾一啲可以坐几个钟头Hea下又可以静静地吹水嘅地方。忽然记起上次去过𠮶间 Sage Bar and Restaurant环境都几好，不过佢上次冇酒牌，过咗成个月应该都有啦卦，所以搏一搏就行咗过去。朋友第一次黎，佢觉得环境都唔错，尤其是好钟意落地玻璃同埋工业风嘅装修。我哋坐咗去Bar头度，可以望住Bartender调教饮品。饮品Menu上边都几多款拣，啤酒、白酒、Cocktail都有。因为我哋都有选择困难症，所以听Bartender推介左呢两款饮品。Cocktail都同出边嘅价钱差不多，我哋啱啱赶得切happy hour，所以都几抵。讲返饮品，我哋叫咗一杯黄色同红色嘅cocktail。红色系Sangria，系西班牙传统饮品，佢系有红酒同埋柠檬柠汁、橙汁、君度橙酒，酒味唔算浓，甜甜地又有生果味，好适合happy hour 时间饮。黄色𠮶杯系Bartender特制嘅，佢首先问咗我喜欢乜嘢味道，然后就根据我嘅喜好去冲咗呢一杯Cocktail俾我，有菠萝汁嘅香味又有vodka嘅香味，真系好清新，Bartend

星期日天气好好，约咗个朋友入嚟元朗饮嘢，但系行咗好多间都觉得好似环境唔系太靓太嘈，我哋想揾一啲可以坐几个钟头Hea下又可以静静地吹水嘅地方。忽然记起上次去过𠮶间 Sage Bar and Restaurant环境都几好，不过佢上次冇酒牌，过咗成个月应该都有啦卦，所以搏一搏就行咗过去。朋友第一次黎，佢觉得环境都唔错，尤其是好钟意落地玻璃同埋工业风嘅装修。我哋坐咗去Bar头度，可以望住Bartender调教饮品。饮品Menu上边都几多款拣，啤酒、白酒、Cocktail都有。因为我哋都有选择困难症，所以听Bartender推介左呢两款饮品。Cocktail都同出边嘅价钱差不多，我哋啱啱赶得切happy hour，所以都几抵。
讲返饮品，我哋叫咗一杯黄色同红色嘅cocktail。红色系Sangria，系西班牙传统饮品，佢系有红酒同埋柠檬柠汁、橙汁、君度橙酒，酒味唔算浓，甜甜地又有生果味，好适合happy hour 时间饮。黄色𠮶杯系Bartender特制嘅，佢首先问咗我喜欢乜嘢味道，然后就根据我嘅喜好去冲咗呢一杯Cocktail俾我，有菠萝汁嘅香味又有vodka嘅香味，真系好清新，Bartender好野！因为lunch我哋食得好饱，所以就冇叫嘢食啦，等下次再嚟嘅时时候叫啲芝士同cold cut，可以一边饮一边食。
我哋一路倾，不知不觉之间就过咗两个钟头，我会大力推介比元朗朋友，除咗嚟食嘢之外，其实响度饮吓嘢都可以relax地消磨一个下午。