新沙洞大排檔 (好順景大廈1座) (已結業)

元朗好顺景附近食肆林立，呢间 🇰🇷新沙洞大排档未到7点，已有好多人排住队等食晚市！门面超有首尔街头风，感觉自在。当造酱油蟹🦀再有优惠价，一定要试😋酱油蟹预订优惠$198 (原价$298)呢款酱油蟹系拼盘形式，有原只酱油蟹🦀加4只大size 酱油虾🦐 。先讲主角——蟹先生，调味鲜又惹味，唔会过咸。蟹肉黏牙，蟹膏超扣饭，我地将紫菜饭沟麻油，倒落蟹盖食，饭粒吸收晒精华，一滴蟹膏都无浪费🤤 食完蟹想饱肚同暖下个胃，我地叫左一份秘制芝士泡菜汤底部队锅($268)。配料有芝士辛辣面、午餐肉、饺子🥟、肠仔等，好丰富。泡菜汤底开胃又好味👍🏻