鐵皇日式鐵板燒 (已結業)

食铁板烧最开心系睇师傅表演，可以同时享受到视觉同味觉既满足，之前就去左元朗一间开业八年嘅铁板烧店-铁皇，来慰劳一下自己平时辛苦工作。泰国大虎虾师傅系铁板上面，三两下手势就㓥开咗只大虾， 仲去埋壳， 然后淋上秘制酱汁， 好快就食得。 果然系巨虾啖啖肉， 而且肉质鲜甜弹牙， 加埋酱汁好惹味， 虾头仲有好多虾膏， 口感好充实。青岛活鲍鱼用咗非常新鲜嘅活鲍鱼， 喺铁板上面即时处理 ，去壳切件师傅又系非常干净俐落， 同样淋上秘制酱汁， 令爽口弹牙嘅鲍鱼更有鲜味。桂花蚌桂花蚌有成只手臂咁长， 好夸张 ，而且㓥好又清洗好， 系铁板上面好快就煎熟， 肉质好嫩滑爽口，味道鲜甜， 点埋师傅嘅秘制酱汁，令人一食到口接一口。美国牛肉薄烧选用美国prime牛肉，牛味浓郁。师傅好快手煎到五成熟就可以上碟，令到口感更加嫩口，而且牛肉本身既肉汁再加上师傅嘅秘制酱汁，令味道更上一层楼，好食。孜然羊肉炒饭同平时食开牛肉炒饭唔同，师傅改左用羊肉配上孜然粉，令到味道更香浓，啖啖都食到羊肉独特既香味，绝对系重口味人仕之选。