NZ餐館 (已結業)

揾位泊车相信系一个揸车人士喺香港的烦恼，揾表位难，食餐饭要俾多廿几三十蚊停车场钱，食商场嘢又贵啲，元朗站附近都有啲选择，尔峦附近的NZ 餐馆都可以系一个揸车人士唔错的地方。咁作为茶餐厅，佢的装修都几有特色，门口企有大大架大黄蜂，好有型。茶厅就有户外同室内。今日午餐点左香草酱鸡扒拼牛仔肠饭，同XO酱叉烧炒乌冬，冻饮加1蚊。香草酱鸡扒都唔错，香草味重同有蜜糖香，鸡扒肉质都可以，算几腍，都几大块鸡扒。XO 酱叉烧炒乌冬好大碟，叉烧份量好多，大大件都有6、7件，虽然话系XO 酱，但食唔出系XO 酱味，都系中式豉油老抽𠮶种味。呢度未到好好食，但抵食大碟都算讲得上，又泊到车，都系一个方便之选。