影片
更多
2020-02-27
1472 浏览
今晚同朋友嚟到呢间喺元朗锦田高埔村入面嘅隐世铁板烧餐厅，如果唔系有人极力推荐，我都唔会去到，我喺锦上路西铁站再转巴士去高埔村，再喺高埔村行一段路先嚟到！原本我以为会冇乜人食，点知一入到餐厅，发觉bar枱已经满咗，睇唔到师父即场烧！不过两个人可以坐四人枱，地方都几阔落！我哋拣咗龙虾铁板烧套餐，$1980 两个人，一共有十一道菜！我会重点讲几样最好食嘅嘢！首先嚟嘅系野菜沙津同埋白粟米，白粟米真系超鲜甜，有种忌廉嘅味！原来佢唔系跟menu顺序出，师傅会安排啲嘢食上嘅次序，同埋煮之前会拎过嚟俾我哋睇下！下面系日本响螺、帆立贝同埋白甘鲷~呢个日本响螺好食，味道非常清甜，又够爽口！帆立贝同我平时食法嘅食法完全唔同，师傅加咗啲自己腌制嘅鱼子喺面，再将佢哋浸喺紫菜汤入面，帆立贝煎至外脆内嫩，加埋鱼子嘅鲜甜，真系好夹！白甘鲷又系好好食嘅一样，香港应该好少地方有得食呢样，我喺日本食过一次！我敢讲呢到嘅水准真系拍得住我喺日本食𠮶啲！师傅将鱼用油炸起咗，所以鱼鳞系可以食埋，够香脆！佢呢个调味系薯蓉特制嘅酱汁，特别得嚟好好食！重头戏系伊势龙虾，呢个品种龙虾出名高质，头先上枱嘅时候仲见到佢郁咗一郁，都几生猛！肉质
原本我以为会冇乜人食，点知一入到餐厅，发觉bar枱已经满咗，睇唔到师父即场烧！不过两个人可以坐四人枱，地方都几阔落！我哋拣咗龙虾铁板烧套餐，$1980 两个人，一共有十一道菜！我会重点讲几样最好食嘅嘢！
首先嚟嘅系野菜沙津同埋白粟米，白粟米真系超鲜甜，有种忌廉嘅味！
原来佢唔系跟menu顺序出，师傅会安排啲嘢食上嘅次序，同埋煮之前会拎过嚟俾我哋睇下！下面系日本响螺、帆立贝同埋白甘鲷~
呢个日本响螺好食，味道非常清甜，又够爽口！
帆立贝同我平时食法嘅食法完全唔同，师傅加咗啲自己腌制嘅鱼子喺面，再将佢哋浸喺紫菜汤入面，帆立贝煎至外脆内嫩，加埋鱼子嘅鲜甜，真系好夹！
白甘鲷又系好好食嘅一样，香港应该好少地方有得食呢样，我喺日本食过一次！我敢讲呢到嘅水准真系拍得住我喺日本食𠮶啲！师傅将鱼用油炸起咗，所以鱼鳞系可以食埋，够香脆！佢呢个调味系薯蓉特制嘅酱汁，特别得嚟好好食！
重头戏系伊势龙虾，呢个品种龙虾出名高质，头先上枱嘅时候仲见到佢郁咗一郁，都几生猛！肉质超级无敌弹牙，师傅净系用咗龙虾膏嚟炒，简简单单已经将最鲜嘅味带咗出嚟！十级推荐呢个！
A5鹿儿岛和牛，可以选择要厚切定薄切，我拣咗薄切，和牛嘅油脂劲丰富，所以师傅加咗好多葱同蒜片去中和返！
樱花虾炒饭
炒野菜
鲷鱼汤
红豆味雪糕
总括嚟讲，大家唔好俾呢个价钱吓亲，觉得太贵唔嚟食，呢到系用日本靓料嚟煮，师傅应该都花咗唔少心机去设计菜式，如果要揾间好少少嘅餐厅嚟庆祝乜都好，我会推荐呢间----崟！
btw一定要订位，呢到真系好full.....
张贴
