稚

营业中

休息中

今日黎开元朗，经过比呢间小小既日本餐厅吸引左就入左去坐低食晚饭。店面虽然细细，但餐厅里面应有既都有。员工十分之热情同有礼貌。餐厅环境都系以日式为主题，墙上有好大幅由唔同知名度较高既动漫主角组成既装饰，播既音乐都系以日文为主。主食我同男朋友分别叫左豚肉生姜烧定食同埋蟹膏蚬肉炒饭。豚肉生姜烧定食，豚肉系用猪颈肉既部位，生姜汁唔会太重姜味，就算唔中意姜味既人都接受到。定食除左主食仲会有两个前菜，分别系麻酱玉子豆腐同带子裙边。另外仲会有碗味噌汤，味噌汤唔会太咸，入面仲有蚬肉添！蟹膏蚬肉炒饭，上菜时仲热腾腾冒紧烟，上面既木鱼丝仲会因为热气而不断收缩。味道食落有淡淡既蟹膏同日本酱油既味，里面有好多蚬肉同粟米粒，十分足料。小食分别叫左鸡软骨串烧同鸡泡鱼干。鸡软骨唔会烧到太硬，十分香脆。鸡泡鱼干原本就甜甜地，再配上沙律酱食落酸酸甜甜。十分好食。