生生市場 (捷榮樓)

营业中

休息中

先前街坊推介元朗千色汇对面有间韩式外卖，今日就去帮衬，买嚟招呼朋友，懒得煮😆。生生外卖店由两位韩国妈妈主理，煮出韩国味道，兼且无添加。🥢烤牛肉菜饭卷$53一条饭卷切左12件，馅多过饭，牛肉调味唔错，加埋D蔬菜，口感相当丰富。🥢韩式炒粉丝$52滑捋捋粉丝吸收酱汁，清爽唔油腻。🥢蜜糖蒜蓉无骨炸鸡（细）$58无骨炸鸡炸得香脆，捞埋蜜糖蒜蓉酱，甜中带咸。🥢炒海带丝（细）$40店员推介，估唔到海带丝食落清新爽口。🥢新鲜辣泡菜（细）$38食韩国嘢梗系要食kimchi，新鲜腌制，又辣又爽。第一次帮衬韩式外卖，估唔到几好食😋今次买左$241，份量够3-4人食。下次再买去郊外野餐🧺或者买嚟开party🍽️生生市场除咗元朗店，仲有湾仔分店。