生生市場 (捷榮樓)

营业中

休息中

之前经过呢间韩式外卖店，成日都好想试吓。㖊日终于同屋企人去咗呢度买外卖Lunch返屋企食。位于元朗教育路，生生市场。我哋叫咗⭐️ 蜜糖蒜蓉无骨炸鸡- 鸡肉好入味，肉质juicy. 鸡肉铺满蜜糖的酱汁，好惹味。⭐️海鲜煎饼- 份量多，薄饼煎得好香。点佢个酱汁食，好味。⭐️烤牛肉紫菜饭卷-饭好软熟，整个饭卷都好好食，呢个值得推介。⭐️酱煮黑豆- 味道同我之前喺韩国食嘅一样好味。我本身好钟意食呢只豆，之前去韩国食过呢只豆觉得好好食，但系香港嘅韩国餐厅唔系间间有呢个前菜食。见到呢度有，一定要买来食。虽然呢间系一间外卖店，但系食物质素几好，有餐厅嘅质素，有惊喜。食物种类好多，价钱实惠。佢哋原来有做到会，如果开party想叫到会，呢间都系一个好好嘅选择。