影片
更多
2024-07-04
6 浏览
身为元朗街坊嘅我地成日都会去大排档食饭，贪大排档有获气又有气氛，而呢间大排就系我地成日食开，因为呢间嘅烧鸡真系好有特色同超好味，用炭火即叫即烧，所以一坐低我地一定系叫左烧鸡先慢慢睇餐牌！仲每次去都一定要叫一只食先得！🐥招牌即烧鸡 $198即烧瓦缸碳烧烧鸡，原只企系到上枱，画面非常震撼！而且提供手套铰剪俾你自己剪开嚟食，非常好玩！不过今次我就叫左厨房帮手切鸡。烧鸡真系做到皮脆肉嫩，鸡皮真系非常香脆，好似食紧薯片咁！而鸡入面用左蒜蓉同淮盐去腌，非常入味，加上嫩滑而滴住鸡油嘅鸡肉，真系好滋味！🪿豉油王鹅肠 $118鹅肠份量非常之多，好抵！豉油王嘅味道调校得非常好，唔会得一味死咸，配上爽脆嘅鹅肠，送酒一流！而个底仲好有心思，系芽菜加金菇，点返啲豉油食，好味。🦐椒盐虾 $168只只虾都大大只同好新鲜，虾肉弹牙，而且个虾走油走得非常好，虾壳脆卜卜但一啲都唔油，椒盐味恰到好处唔会太咸，又系送酒一流嘅小菜！🦪姜葱台生蚝煲 $188估唔到系用砂煲上，一打开盖，啲香味冲上嚟，侍应仲会帮你炒多几下，等啲𩠌嘅热力再平均啲，真系啫啫声咁！生蚝份量又系劲多仲劲大只！生蚝🦪扑咗少少粉再去快炒，令到表面香脆，而保持到
🐥招牌即烧鸡 $198
即烧瓦缸碳烧烧鸡，原只企系到上枱，画面非常震撼！而且提供手套铰剪俾你自己剪开嚟食，非常好玩！不过今次我就叫左厨房帮手切鸡。烧鸡真系做到皮脆肉嫩，鸡皮真系非常香脆，好似食紧薯片咁！而鸡入面用左蒜蓉同淮盐去腌，非常入味，加上嫩滑而滴住鸡油嘅鸡肉，真系好滋味！
🪿豉油王鹅肠 $118
鹅肠份量非常之多，好抵！豉油王嘅味道调校得非常好，唔会得一味死咸，配上爽脆嘅鹅肠，送酒一流！而个底仲好有心思，系芽菜加金菇，点返啲豉油食，好味。
🦐椒盐虾 $168
只只虾都大大只同好新鲜，虾肉弹牙，而且个虾走油走得非常好，虾壳脆卜卜但一啲都唔油，椒盐味恰到好处唔会太咸，又系送酒一流嘅小菜！
🦪姜葱台生蚝煲 $188
估唔到系用砂煲上，一打开盖，啲香味冲上嚟，侍应仲会帮你炒多几下，等啲𩠌嘅热力再平均啲，真系啫啫声咁！生蚝份量又系劲多仲劲大只！生蚝🦪扑咗少少粉再去快炒，令到表面香脆，而保持到蚝汁系生蚝入面！加上惹味嘅姜葱，令整体味道更上一层楼！
📍 多多鸡大排档 (元朗)
元朗又新街37-51号富祐阁地下14号舖
张贴
