薄荷葉泰國菜

营业中

休息中

约朋友食饭，见到呢度气氛唔错，都多推介，就黎试下啦！😎😎我地六点零到，有三枱客到，坐左一阵就开始多人，唔洗半个钟室内就已经满座，不过户外都仲有位既，唔怕热的话，我地好彩黎得早！我地两个人，叫左都几多野食，好满足！甘热既天气，一定叫只椰青消下暑！多大只，冰凉清甜！爽呀！马拉盏炒芥兰芥兰系芥兰苗，够嫩，爽口无苦味！食泰国野一定唔少得佢！猪、牛、鸡串烧各二第一次见用啤酒杯做容器，又几好㖞，啲油滴晒落杯度！串烧热辣辣，肉质够嫩唔鞋，又大旧。烧到好香口，点埋个沙爹酱食，好好味！必食！斑兰牛肉咖哩配薄饼第一次食有斑兰既咖哩，佢个咖哩汁好浓，香浓咖哩中夹杂住斑兰微微既香同甜味，好好食㖞！呢个对于唔食得辣既朋友好岩！一定会爱上咖哩！薄饼系油酥饼，点咖哩食一流！菠萝炒饭成个桶上，份量好多！材料好丰富，有虾、鱿鱼、腰果同大量既菠萝！饭炒得好靓，粒粒分明，唔会太咸，夹住甜甜多汁既菠萝食，好好味，好适合夏天食，会更开胃！好满足既一餐！野食好味又足料！推荐推荐！