芭堤雅泰國餐館

营业中

休息中

以前都有嚟食过芭堤雅泰国菜馆，装修之后就未食过，趁着闲日夜晚屋企人冇煮饭😗终于可以试吓。我哋星期二夜晚8:00左右去到，都座无虚席好热闹。食泰国嘢点少得生虾同猪颈肉做头盘😃生虾大只爽甜，最正系旁边嘅泰式酱！辣得来又酸酸地，调味好好。猪颈肉亦好有炭烧香，肥瘦啱啱好，亦都唔会切得好薄，有咬口。另外青柠明炉烤鱼都系好深刻！我谂全元朗都揾唔到咁平🤣$148原条乌头。抵食又好味，而家咁冻，食返啲蛋白质暖笠笠😊啲鱼都几滑，个汤汁酸酸甜甜，另外如果想食辣啲，店家都有准备辣椒酱汁，好贴心。蒜蓉包外观真系好吸睛，每一口都好有蒜香味，我呢个面包控自己一个人食一个都得🤣泰式炒宽粉我都好中意，宽粉烟靭挂汁，炒得好有镬气，好钟意呢度系每一样𩠌都系热辣辣，就即刻上枱👍🏻要赞。最后食埋个椰子雪糕就圆满🥰摆盘好靓，令我谂起之前曼谷食嘅椰子雪糕😝整体嚟讲四个人食咗八百几蚊左右，食到饱晒大满足。一定会再光顾。