海皇粥店 (西菁街) (已結業)

近排天气咁冻，过年又食咗咁多肥腻野，系时候要食返碗粥减轻肠胃负担又可以暖下身，住喺元朗，就即刻谂起海皇粥店！千色店的分店原来已经搬咗，行前少少就会见到。菜干猪骨粥，咸咸香香，粥底绵绵。油炸鬼，非常爽脆，即叫即炸！新鲜蒸鲩鱼，即叫即蒸，大概十多分钟就到，鱼肉很滑，60多元价钱很不错呢！豆浆不太甜。即拉叉烧肠，馅料丰富，啖啖叉烧！虽然搬咗位置，但系地点都好方便，服务亦好好，人均几十元消费的餐厅很不错吧！