新記煲仔雞粥 (已結業)

今日係情人節，我哋想特別啲唔食西餐，所以改食粥。 呢間粥店聽聞喺元朗好出名， 今晚點都要食下先。內裏雖然唔係好大，但係都幾乾淨整齊呀！泥鯭粉腸粥泥鯭鮮甜都幾大條， 份量好多， 粉腸軟熟，一啲都唔韌， 粥非常大碗，而且香滑之餘仲一d都唔結， 一碗夠晒兩個人食。海蜇手撕雞海蜇非常爽口， 雞肉絲比較幼細， 當中有少許花生醬，感覺香口和特別惹味。豉油王炒麵食粥當然一定要配個炒麵啦，炒麵好大碟，配上適量既牙菜，送到黎還帶暖暖的， 味道剛剛好唔會太鹹。炸両腸粉好滑， 炸両外脆內軟， 份量好足， 呢個價錢真係好抵食!選擇真係好多，樣樣都想食