雋太日本料理 (已結業)

估唔到呢家去元朗咁方便，前日入去贺个fd新居入伙，跟住就去左呢间放题，果阵7点几已经见门口排晒队等入场，因为我地walk in, 仲惊会冇位，点知经理好快就已经安排到比我地，very good!我地系C段时间，食2个钟，都好多款式拣，仲可以升级生蚝同松叶蟹脚tim! 上菜好快，刺身亦够冻够新鲜，最钟意食甜虾，好大只，三文鱼厚身，带子都鲜甜！寿司都唔错，不过个饭可以整得细旧d.串烧都做得几好，竟然系个翠玉瓜不停reorder, 焗蚝够热，岩岩整好上菜，个肉骨肠就普通d, 同埋我几钟意佢呢度个蟹粥，好棉又够鲜味 呢度d食物全部都系即叫即整，唔系预先整定放晒系度，呢样我好欣赏，连呢个牛油炒杂菌都系热㷫㷫上枱，比个good佢！下次如果约人来元朗我都会推介呢间放题。