影片
更多
2019-08-16
738 浏览
老婆话要开始减肥计划, 咁开始之前, 梗系要食餐好啦误打误撞, 揾到呢间唔太起眼嘅日料店, 其实佢个位又唔系好差, 因为正正系名店永年车仔面隔离, 所以应该好多人知, 上网一睇, 啲评价都唔错, 就决定喺度食"最后的晚餐"7点钟, 冇乜客, 任坐每次食日料, 我多数都会食飞机货, 墙上有个牌写啲特色推介, 呢度嘅飞机货唔多, 小店的确难做呢类, 万一滞销要掉就好伤, 产地直送刺身有几款, 大拖罗、深池、油甘, 几款都系我地嘅心头好, 仲有马粪海胆, 见到呢个牌已经好心急想食打头阵当然系刺身, 先食油甘鱼, 因为比池鱼王淡味, 肉质实净, 鲜味同油份中规中举, 始终未到时节, 未系最肥美嘅时候。再食深海池鱼王, 鱼味超浓, 如果你钟意食浓味野, 呢个o岩哂。跟住到北海道珍宝带子, 多数日料都会一开二, 而我地钟意厚身, 一大啖咬落去, 所以吩咐唔好切, 原粒上。咁样食系可以食到带子最真实嘅质感, 呢粒都爽弹, 但系我食过更爽嘅, 至于带子鲜味, 就真系赞! 鲜甜当然系基本, 最紧要系个回甘, 咬完吞完, 个味道仲留o系口入面一段时间, 咁先叫高质。我地太专注个刺身, 冷落左另外两样野,
误打误撞, 揾到呢间唔太起眼嘅日料店, 其实佢个位又唔系好差, 因为正正系名店永年车仔面隔离, 所以应该好多人知, 上网一睇, 啲评价都唔错, 就决定喺度食"最后的晚餐"
7点钟, 冇乜客, 任坐
每次食日料, 我多数都会食飞机货, 墙上有个牌写啲特色推介, 呢度嘅飞机货唔多, 小店的确难做呢类, 万一滞销要掉就好伤, 产地直送刺身有几款, 大拖罗、深池、油甘, 几款都系我地嘅心头好, 仲有马粪海胆, 见到呢个牌已经好心急想食
打头阵当然系刺身, 先食油甘鱼, 因为比池鱼王淡味, 肉质实净, 鲜味同油份中规中举, 始终未到时节, 未系最肥美嘅时候。再食深海池鱼王, 鱼味超浓, 如果你钟意食浓味野, 呢个o岩哂。跟住到北海道珍宝带子, 多数日料都会一开二, 而我地钟意厚身, 一大啖咬落去, 所以吩咐唔好切, 原粒上。咁样食系可以食到带子最真实嘅质感, 呢粒都爽弹, 但系我食过更爽嘅, 至于带子鲜味, 就真系赞! 鲜甜当然系基本, 最紧要系个回甘, 咬完吞完, 个味道仲留o系口入面一段时间, 咁先叫高质。
我地太专注个刺身, 冷落左另外两样野, 两样都系老婆日料必点。烧鸡泡鱼干, 我觉得比较死实难嚼, 应该系台湾货。蕃薯天妇罗个粉浆都ok薄同埋脆, 份量刚刚好, 用黎补充淀粉质。
22 浏览
0 赞好
0 留言
呢个芒果双龙卷应该系招牌货,
卖相吸引, 我点之前都问清楚店员只虾系咪即叫即炸, 新鲜同唔新鲜真系差好远, 只虾唔脆我一定唔食。而呢一个, 我系连虾头都食埋。特别一提佢地用左秋田小町米做寿司饭, 咬落烟韧带少少黏性, 至于点解系啡红色我又冇特登问。但系呢个啡红色撞番抢眼嘅蟹籽橙色同埋沙律酱奶白色又几靓。
雪花肥牛牛舌心, 老老豆豆, 睇哂成条脷我都未必会分到只牛肥唔肥, 同埋肥牛同瘦牛条脷到底有冇分别呢? 呢串牛舌厚薄适中, 弹牙得黎唔会韧到咬唔开, 好食嘅牛舌最紧要咬落爽口, 呢度都做到, 不过黑椒重手左, 同埋跟旧柠檬会开心啲。
18 浏览
0 赞好
0 留言
鱿鱼刺身, 千祈唔好睇小呢样野, 新鲜嘅鱿鱼系爽口, 唔会一pat野, 可以睇到店家点样处理食材, 我食过好多间都唔爽, 而呢个系合格
16 浏览
0 赞好
0 留言
北海道马粪海胆, 店员话佢地日日入货, 保证新鲜。呢个我真系推介, 海胆鲜甜浓味又creamy, 我仲留意到一个细节, 就系佢地啲青瓜丝走皮, 因为如果有皮, 入口会有阵青涩味, 影响左海胆嘅味道, 而佢地嘅青瓜非常爽甜多汁, 同海胆嘅鲜味混和真系停唔到口, 而且定价亲民, 回头率极高
18 浏览
0 赞好
0 留言
最后系寿司,
赤贝都系老婆食, 佢话冇腥味, 都新鲜。
灸烧焦糖鹅肝寿司, 大大件, 又厚身, 油脂争少少, 应该系东欧货, 不过个焦糖面加分, 薄薄地脆脆地, 又唔会有苦味, 烧得啱啱好, 增加口感, 食落有啲似甜品, 几得意
灸烧左口鱼寿司, 左口鱼边又系我必食嘅野, 因为钟意果阵鱼油香, 唔知系咪我睇错, 呢个系左口鱼, 唔系鱼边, 所以有肉, 但系又唔错㖞, 块鱼有一半肉, 一半油, 滑得黎有口感, 双重享受, 就咁成为我嘅新欢。
食到8点钟, 基本上爆埸要等位, 今日只系星期三, 周末应该更多人, 以呢个价钱, 同区应该揾唔到呢个质素, 要食记得订位。仲有佢地有个打卡PO相优惠, 送$50现金劵, 唔好错过
张贴
