影片
更多
2022-12-10
40 浏览
喺元朗有间人气好高嘅日本餐厅寿司源，佢哋嘅厨师发办CP值好高，呢次专登入去试一下先。三款前菜： 萝卜：味道清淡，口感清爽。𩽾𩾌鱼肝：鱼肝味道鲜甜，口感绵滑，上面仲有啫喱，令味道更丰富。秋刀鱼卷 ：秋刀鱼做成鱼卷，鱼肉肥美。野生真鲷：系一款味道较清淡嘅鱼，所以师傅用咗较浓味嘅辣萝卜蓉、紫苏花同埋自家制嘅酸汁，带出鱼肉嘅鲜甜味。带子：嚟自北海道嘅带子，大大粒，味道鲜甜，师传拍一拍带子可以激活细胞，令口感变得更加好。北海道春鱼：鱼肉肥美，用咗禾秆草嚟做烟熏，逼出油脂嘅香味之外，仲增添禾秆草独特嘅味道，师傅仲配埋腌酸咗嘅洋葱一齐食，令口感味道都变得更丰富。柔煮八爪鱼：师傅用咗两个小时为八爪鱼须按摩同埋慢煮，先可以将八爪鱼须煮得咁软腍，又够入味。𫚕鱼：嚟自北海道，又可以称为油甘鱼，鱼油脂较高，口感嫩滑。深海池鱼：用嘅系鱼腩位置，入口较爽口，鱼味较浓。池鱼：鱼肉肉质较细嫩，师傅仲加配埋同油份较重嘅鱼好夹嘅香葱，可以提升鱼肉嘅味道。蚬汤 ：蚬肉鲜甜，加埋春菊等配料，令汤好清新，可以有效清一清口腔。慢煮北海道𩽾𩾌鱼肝：鱼肝经过慢煮，口感变得较绵密，入口即溶，味道鲜甜。𩽾𩾌鱼煮物：鱼汤好清甜，鱼肉滑嫩，
喺元朗有间人气好高嘅日本餐厅寿司源，佢哋嘅厨师发办CP值好高，呢次专登入去试一下先。
三款前菜：
萝卜：味道清淡，口感清爽。
𩽾𩾌鱼肝：鱼肝味道鲜甜，口感绵滑，上面仲有啫喱，令味道更丰富。
秋刀鱼卷 ：秋刀鱼做成鱼卷，鱼肉肥美。
野生真鲷：系一款味道较清淡嘅鱼，所以师傅用咗较浓味嘅辣萝卜蓉、紫苏花同埋自家制嘅酸汁，带出鱼肉嘅鲜甜味。
带子：嚟自北海道嘅带子，大大粒，味道鲜甜，师传拍一拍带子可以激活细胞，令口感变得更加好。
北海道春鱼：鱼肉肥美，用咗禾秆草嚟做烟熏，逼出油脂嘅香味之外，仲增添禾秆草独特嘅味道，师傅仲配埋腌酸咗嘅洋葱一齐食，令口感味道都变得更丰富。
柔煮八爪鱼：师傅用咗两个小时为八爪鱼须按摩同埋慢煮，先可以将八爪鱼须煮得咁软腍，又够入味。
𫚕鱼：嚟自北海道，又可以称为油甘鱼，鱼油脂较高，口感嫩滑。
深海池鱼：用嘅系鱼腩位置，入口较爽口，鱼味较浓。
池鱼：鱼肉肉质较细嫩，师傅仲加配埋同油份较重嘅鱼好夹嘅香葱，可以提升鱼肉嘅味道。
蚬汤 ：蚬肉鲜甜，加埋春菊等配料，令汤好清新，可以有效清一清口腔。
慢煮北海道𩽾𩾌鱼肝：鱼肝经过慢煮，口感变得较绵密，入口即溶，味道鲜甜。
𩽾𩾌鱼煮物：鱼汤好清甜，鱼肉滑嫩，仲有娃娃菜可以索哂汤，更滋味。
缟虾 ：缟有一间间意思，所以虾身有一间间，佢亦系三大名虾之一，师傅会将虾膏轻轻火炙，而佢哋嘅虾子带有浓郁嘅海水味，配埋爽口嘅虾肉一齐食，鲜甜味更加浓。
梭子鱼：经过火炙逼出多余嘅鱼油，食落更甘香，配埋酱油提鲜就更好味。
中拖：嚟自长崎嘅中拖，师傅将其熟成处理咗7日，令鱼肉微微脱水，使精华风味更加浓缩，肉质亦会更软嫩，有入口即化嘅效果。
马粪海胆：嚟自北海道嘅马粪海胆，味道甘甜，鲜味无比，口感细嫩。
手卷：呢个手卷用料丰富，够哂鲜味，有大量新鲜嘅吞拿鱼蓉，配埋自家制嘅三文鱼籽，口感好丰富。
面豉汤：正常发挥
甜品：红豆汤加埋蜜瓜，红豆汤甜度适中，蜜瓜用嚟自好有名嘅静岗，清甜多汁，有效减低整餐饭所带嘅油腻感。
张贴
