影片
更多
2022-10-15
25 浏览
元朗嘅高级日本餐厅舍利鮨，Wilson师傅所主理，佢经验丰富，对煮食有热诚，令不少客人都好满意，连我都唔例外，呢次就一试佢哋嘅人气晚市omakase。佢哋嘅用料都系新鲜上乘，全部都好好食，我呢次只介绍几款我自己最钟意嘅。石桓贝：石桓贝大多都嚟自岩手县，佢哋呢个月就最当造。而师傅会喺切之前拍打一下石桓贝，为咗令细胞得到激活，令原本经已清爽嘅肉质变得更佳口感。𩽾康鱼肝配乌鱼子：嚟自北海道嘅𩽾康鱼肝，经过腌制、过筛等手法处理，令其口感变得有如雪糕咁绵密，再加埋野生乌鱼子，海水嘅咸香味变得更浓。池鱼：池鱼鱼味较浓，肉质鲜嫩，口感嫩滑，做成军舰，更能突出鱼肉嘅味道。海胆：海胆鲜甜，又够新鲜，用料够豪爽，令人食得好满足又开心。酱油渍大拖罗：酱油渍系日本传统中嘅一种食法，而酱油中嘅盐份会让鱼肉稍微脱水，令酱油所带嘅风味更易渗透于鱼肉之中，令鱼肉有如果冻般嘅口感，而呢次用嘅系大拖罗，油脂较丰富，令食嘅时候更软滑之余，仲多添一份油香。䲠鱼：依家呢个时间刚刚开始，喺䲠鱼最肥美嘅时候，银身鱼比人一种会好重口味嘅感觉，但䲠鱼相对其他而言比较清淡，佢嘅鲜味同甘味都比较淡，而鱼肉本身都无霸气般嘅腥味。而肉质口感柔
元朗嘅高级日本餐厅舍利鮨，Wilson师傅所主理，佢经验丰富，对煮食有热诚，令不少客人都好满意，连我都唔例外，呢次就一试佢哋嘅人气晚市omakase。佢哋嘅用料都系新鲜上乘，全部都好好食，我呢次只介绍几款我自己最钟意嘅。
石桓贝：石桓贝大多都嚟自岩手县，佢哋呢个月就最当造。而师傅会喺切之前拍打一下石桓贝，为咗令细胞得到激活，令原本经已清爽嘅肉质变得更佳口感。
𩽾康鱼肝配乌鱼子：嚟自北海道嘅𩽾康鱼肝，经过腌制、过筛等手法处理，令其口感变得有如雪糕咁绵密，再加埋野生乌鱼子，海水嘅咸香味变得更浓。
池鱼：池鱼鱼味较浓，肉质鲜嫩，口感嫩滑，做成军舰，更能突出鱼肉嘅味道。
海胆：海胆鲜甜，又够新鲜，用料够豪爽，令人食得好满足又开心。
酱油渍大拖罗：酱油渍系日本传统中嘅一种食法，而酱油中嘅盐份会让鱼肉稍微脱水，令酱油所带嘅风味更易渗透于鱼肉之中，令鱼肉有如果冻般嘅口感，而呢次用嘅系大拖罗，油脂较丰富，令食嘅时候更软滑之余，仲多添一份油香。
䲠鱼：依家呢个时间刚刚开始，喺䲠鱼最肥美嘅时候，银身鱼比人一种会好重口味嘅感觉，但䲠鱼相对其他而言比较清淡，佢嘅鲜味同甘味都比较淡，而鱼肉本身都无霸气般嘅腥味。而肉质口感柔嫩，食落好轻盈。
𫚕鱼腩：𫚕鱼嘅油脂好丰富，肉质紧实，鱼味浓郁，而且系鱼腩部份，味道口感会更好。
张贴
