木玥巷 (已結業)

昨日在朗屏站附近揾食，见到呢间食评唔错，入去食咗个下午茶，念念不忘佢哋嘅盐酥鸡。今日朋友约食饭，好桥竟然推荐呢间！毫不犹豫，一口答应，再战盐酥鸡！听讲间店由前半岛酒店大厨开嘅，全落地玻璃，靠玻璃都系1-2人高枱，从外面睇感觉好Chill。红烧牛肉面（$72）牛肉厚度适中，肉质幼嫩，汤底渗透淡淡的药材味，非常顺喉，面条略嫌唔够弹牙，但都好唔错。蟹肉金丝炒新竹米粉（$98）炒得干身，有口感，金金黄黄，几好味。盐酥鸡（$54）几乎每枱都点，大大件，好脆好香，咬落去嚓嚓声，肉嫩多汁，配柚子醋减轻油腻感，应该系食过最好味的盐酥鸡！澎湖花枝虾排（$38）食到一粒粒的花枝，弹牙有口感，但就食唔到虾味，比花枝抢咗味道，味道一般。带子虾肉炒饭（$94）好多带子和虾，炒得好香，但分量都几多，食唔晒，要打包返屋企。水果茶（$32杯）招牌水果茶，柚子味，甜酸甜酸，饮到唔想停。黄金果茶，好多菠萝果肉，散发菠萝的芳香，好饮。