影片
更多
2022-09-15
454 浏览
每当我好想食川菜，都会谂起呢间餐厅，除左店名够晒记忆点之外，食物质素亦好有水准，只系地方比较僻静，但仍然吸引唔少食客捧场。辣子拼盘(大肠、鸭舌、鸡软骨)高温炸至甘香酥脆，入口咸香，椒盐味岩岩好，少少微辣，真系食到停唔到口。大肠同鸡软骨既油脂比较多，但食落唔会成日油，炸得好干身，唔食唔知，原来炸鸭舌系非常惹味，呢个菜式跟埋啤酒一齐食，爽！碟面有大量辣椒，其实系香多过辣，辣度算系BB辣，就算唔食得辣既朋友仔都一定食到。香蒜炸子鸡半只呢味𩠌系有缘先食到既菜式，因为唔系每日都供应，有既话绝对值得一试。鸡皮炸到脆卜卜，鸡肉又唔会过熟，连皮一齐食，鸡油油脂既香味同鸡肉融为一体，再点埋姜葱蒜熟油豉油，有香料同酱油配衬，味道更加丰富。莲藕炒咸肉小菜够镬气，用蒜粒香芹爆炒，一上菜就闻到好香，味道咸中带甜，偏甜多，咸肉比较肥。如果钟意咸香多d/怕肥既朋友仔可以叫其他小炒试下。呢间餐厅既炸物同椒盐都做得唔错，如果你第一次来食既话记得试下。其实餐厅仲有好多菜式都好吸引，见到隔离枱上菜，都会俾香味同外观吸引，令你不自觉望多两眼🤤另外温馨提示下大家，呢度1900左右就开始多人，店舖有两层，地下多数无位，要上二楼，
每当我好想食川菜，都会谂起呢间餐厅，除左店名够晒记忆点之外，食物质素亦好有水准，只系地方比较僻静，但仍然吸引唔少食客捧场。
辣子拼盘(大肠、鸭舌、鸡软骨)
高温炸至甘香酥脆，入口咸香，椒盐味岩岩好，少少微辣，真系食到停唔到口。大肠同鸡软骨既油脂比较多，但食落唔会成日油，炸得好干身，唔食唔知，原来炸鸭舌系非常惹味，呢个菜式跟埋啤酒一齐食，爽！碟面有大量辣椒，其实系香多过辣，辣度算系BB辣，就算唔食得辣既朋友仔都一定食到。
香蒜炸子鸡半只
呢味𩠌系有缘先食到既菜式，因为唔系每日都供应，有既话绝对值得一试。鸡皮炸到脆卜卜，鸡肉又唔会过熟，连皮一齐食，鸡油油脂既香味同鸡肉融为一体，再点埋姜葱蒜熟油豉油，有香料同酱油配衬，味道更加丰富。
莲藕炒咸肉
小菜够镬气，用蒜粒香芹爆炒，一上菜就闻到好香，味道咸中带甜，偏甜多，咸肉比较肥。如果钟意咸香多d/怕肥既朋友仔可以叫其他小炒试下。
呢间餐厅既炸物同椒盐都做得唔错，如果你第一次来食既话记得试下。其实餐厅仲有好多菜式都好吸引，见到隔离枱上菜，都会俾香味同外观吸引，令你不自觉望多两眼🤤另外温馨提示下大家，呢度1900左右就开始多人，店舖有两层，地下多数无位，要上二楼，落单无咁方便同快捷，楼梯墙位可以襟钟仔，但位置唔太觉眼。
好味：4/5
环境：3/5
客服：3.5/5
15 浏览
1 赞好
0 留言
张贴
